Shillong, Nailar, 13: Ha ka sienjam ba kongsan kaba ïahap bad ka jingthmu jong ka Digital Meghalaya ba la lamkhmat da u Myntri Rangbah ka jylla u Conrad K. Sangma, ka Shillong College Central Library, Shillong ka la lah ban pynlong ïa ki ar tylli ki jingïalang ba nyngkong jong ka National Webinar Series ha kaba la ïashim bynta ruh da kiba bun na kylleng ka ri.
Da kaba buh hakhmat ïa ka thong ban pynkylla ïa ki jaka pule kot sha ki jaka ai jingtip bad ki Knowledge Resource Centres (KRCs, ka jingïathir ha ka bynta banyngkong ha ka 26 tarik, Naitung, 2025 ka la long halor ka jingwan ka teknoloji bad ka lawei jong ki shlem pule kot, ïa kaba la ai jingkren da u Librarian na ka NEHU Central Library u Dr. Firstborn Sumer.
Ka jingïathir ha ka sien kaba ar ka la long ha ka 12 tarik, Nailar, 2025 ha kaba la rakhe ïa ka National Librarian’s Day ban kynmaw burom ïa ka lyngkhuh sngi kha kaba 133 snem jong u Dr. S.R. Ranganathan, halor ka phang, “Bridging the Digital Divide: Open Educational Resources (OER) for Inclusive and Equitable Education,” ha kaba u Head of Department, Library and Information Science, Manipur University, Manipur u Prof. Ch. Ibohal Singh u la kren halor ka phang, “The Role of Libraries and Library Professionals in Promoting OER for Digital Equity” bad u Dr. Firstborn Sumer, u la kren halor ka jingkupbor ïa ki khynnah lyngba ka OER: Unlocking Knowledge Beyond the Classroom.
Ïa ka jingkynmaw burom ba la plie da u Principal jong ka Shillong College u Dr. Shanwel Dohling ryngkat ka jingdonlang jong ka Vice Principal ka Kong E.N Dkhar, ka Librarian jong ka Shillong College ka Kong Betbhalin Lyngdoh bad kiwei kiwei.
