Shillong, Naitung, 11: Ki nongshong shnong jong ka shnong Maikhuli ha ka sngi Thohdieng ki la mih ban pyrhsah ïa ka soskular ïasngewthuh jingmut ne ka Memorandum of Understanding ba ladep ïasoi hapdeng ka Sorkar Meghalaya bad ka Sokar Assam na ka bynta ban ïapynbeit ïa ki jaka kiba don hapdeng ka jingïakajia pud.
Ka jingpyrshah jong ki paidbah ka long khamtam eh ka jingshah pynngat ka pung ri dohkha kaba la pynmyntoi ïa ki paidbah ka shnong Maikhuli, sha u pud u sam jong ka jylla Assam hadien ka jingïasoi ïa ka soskular.
Katkum ka jingïathuh jong ki paidbah, kane ka pung ri dohkha ka dei kaba la ri bad sumar da ka dorbar shnong Maikhuli la palat 50 snem bad dei ruh kaba dang hap hapoh u pud u sam jong ka ri Bhoi District, Meghalaya. Hynrei hadien ka jingïapynbeit ïa u pud u sam, ïa kane ka pung ri dohkhat la pynngat jubor sha ka jylla Assam.
Ki paidbah kiba la ïashim bynta ha ka jingïaid rally ki la dawa ïa ka Sorkar Meghalaya bad ïa ka Sorkar Assam ban khmih bniah sa shisien halor ka soskular bad ban pynphai ïa ka pung ri dohkha sha ka shnong Maikhuli.
