Shillong, Jymmang, 15: Ka sor Nongpoh ka la mad ïa ka jingkyrduh um namar ka jingshim kabu jong ki briew ban tuh ïa ka um da kaba jynrat ïa ki pipe um kiba pynpoi ïa ka umbam jong ka tnat PHE Nongpoh Division sha Nongpoh, Ribhoi District.
U Executive Engineer jong ka tnad PHE Nongpoh Division Bah U. Kurbah ha ka 15 tarik, Jymmang, 2025 ka la kyrpad ïa ki paidbah ba kim dei ban pynsniew ïa ki pipe um ba pynpoi sha ka sor Nongpoh namarba kane ka la wanrah pat ïa ka jingkyrduh um ha ki shnong kiba hap ha sor Nongpoh.
Ka jingkyrpad jong ka tnat PHE ka long hadien ba la lap ba ki don ki briew kiba pynpei ïa ki pipe um ban tan um sha la ïing na ka tyllong um ba la tan na Nongthymmai kaba hap ha ka wah Umran ban pynpoi sha ka Treatment Plant jong ka tnad PHE kaba don ha Iewmawlong.
