Shillong, K’lyngkot, 20: Ki shipai BSF ka Meghalaya Frontier ha ka sngi u Blei ki la ïoh ban pynpulom ïa ka jingpyrshang jong ki snar nongkhaii ban shalan tuh ïa ki mar khaii sha ka ri Bangladesh lyngba ka khappud.
Tang shu ïoh jingtip na ki tnat syntiat, ki shipai BSF ki la pynlong ïa ka jingap ktem ha East Jaintia Hills bad ha West Garo Hills.
Ha ka jingpynap ktem, ki shipai BSF ki la ïoh kurup ïa ki IV Cannula, ka dawai jyrhoh, ki masi, ki nep syaid, musla jeera, u chololate bad ïa ka trok Tata ba la pyndonkam ban kit ïa kine ki mar khaii tuh kiba shongdor kumba T. 52.76 lak.
Ïa kine ki mar khaii tuh la aiti noh sha ka ophis Customs bad sha ki Pulit ban leh ïa kaba donkam katkum ki kyndon aiñ.
