Shillong, Naiwieng, 26: U Bah Avner Medon Pariat ha ka sngi U Blei u la pynrem jur ia ka jingpyrshang Khasi Hills Autonomous District Council (KHADC) khamtam ia u Chief Executive Member (CEM) da kaba kynnoh ba u pyrshang ban pynkheiñ ia ka hok ban kren jong u Bah Chanlok Dkhar halor ka jingkynnoh bamsap ia ki District Council
Ha u kyrwoh, u Bah Pariat uba long u nongthoh bad u riewsaiñ pyrthei u la ong, “u Bah Dkhar, ubalong u nongshong shnong uba don jingsngewkhia kum ma nga, u la wanrah ia kane ka mat da kaba u ngeit ba ka dei kaba ktah ia ka imlang ka sahlnag bad kaba pynkheiñ ia ki nongrim jong ka synshar ka khadar.”
“Ka long kaba sngewsih ban iohi ba ka KHADC ka la ai jubab da kaba phah ia ka legal action ha ka jaka kren ia ki mat kiba ktah, kaba pynmih ia ka jingpyrshah na ki nongpeitngor bad ban pyrshah ia ka hok katkum ka riti synshar paidbah kaba ngi ñiew burom ha ka imlang ka sahlang,” u la ong.
U Bah Pariat u la ong ba ka KHADC ka dei ban bishar biang ia ka rai bad ban iakren sngewthuh jingmut halor kane ka mat ba la pynpaw
“Ban shu khñiot ia ka sur kren ka pyntlot noh ia ki nongrim jong ka riti synshar paidbah bad ka pynduh noh ia ka jingshaniah jong ki paidbah ha ki shlem treikam,” u la ong.,
