Shillong, Lber, 14: Ka Khasi National Academy ha ka sngi Palei ka la pynlong ïa ka Community Building Program 2025 ha ka shnong Phuttor, Mairang ha kaba la ïashim bynta da ki paidbah jong ka shnong.
Ki nongïalam jong ka Khasi National Academy ba kynthup ïa u Charlie TL Mawlieh haba kren ha ka jingïalang u la ong ba mynta ki paidbah ki la don kam kyrkieh ban ïatylli bad trei smat kum ki dkhiew.
Ka ladei ka por ïa ngi baroh ban weng noh ïa ka jingduk jingkyrduh bad jingkhlem kam lyngba ki jing pyntreikam ïa ki Crypto Project ha ki shnong kyndong baroh, u la ong.
U la pynshai ba ki paidbah ki la donkam kyrkieh ban kylla long noh kum ki nongpynmih bad ki donkam kyrkieh ban sdang noh ïa ki rukom rep ba la khot da ki Micro Greens, AquaPonics, Hydroponics bad Organic Farming khnang ban ioh pahuh ka bam na la shnong.
U la kyntu ïa ki paidbah ba ka rukom shna ïa ki iing ha ki shnong dei ban tei bun mala sha jrong khnang ban ioh bun ka jaka ban rep.
