Shillong, Risaw, 19: Ka Khasi Students Union (KSU) Mawlai Circle ha ka sngi Saitjaiñ ka la pynkup burom da ka Maitshaphrang Excellence Award jong u snem 2023-2024 ïa ki 82 ngut ki samla pule kiba la pass bha naduh ka kyrdan SSLC haduh ka kyrdan Ph.D ha ka jingïalang kaba la long ha Shillong Polytechnic Auditorium ha Mawlai Kynton Massar, Shillong.
Ha kane ka sngi, ka KSU ka la pynkup burom ruh da kaba ai khusnam ïa ki san ngut ki nongïalehkai kiba la wanrah ïa ka nam ka burom sha ka jylla Meghalaya.
Ha ka jingpynkup burom la sakhi lang da u General Secretary jong ka KSU Seng Kmie u samla Donald V. Thabah uba la long kum u kongsan ryngkat lang bad u Rangbah Shnong jong ka Mawlai Kynton Massar u Dr. Marco Mitri uba dei ruh u Professor jong ka skulbah North Eastern Hill University (NEHU) uba la long kum u kongsan ba kyrpang, u Assistant Secretary jong ka KSU Seng Kmie u samla Reuben Najiar, ki kmie ki kpa bad ki samla pule kiba la shah pynkup burom.
