Shillong, Lber, 13: Ka Federation of Khasi Jaiñtia and Garo People, Rambrai Circle hapoh ka jingïalam jong u President u bah Jistarlan Lyngkhoi ha ka sngi Palei ki la ïakynduh ïa u Deputy Commissioner jong ka West Khasi Hills District, u Bah Garod LSND Dykes aiti ruh da ka jingthoh ban dawa pyntreikam ïa kiba bun ki jingduna hapoh ka Rambrai C&RD Block.
Kum ban kdew hangne dang shen ki nongialam jong ka FKJGP Rambrai Circle ki la hiar jurip ïa ka ophis C&RD Block ha kaba ki la lap ba kane ka ophis treikam kam don satia ia u Block Development Officer ba pura bad ia ki nongtrei katba ha ka jubab RTI ba la ïoh pdiang da ka seng la pynpaw ba ki nongtrei ki don.
Ia ka Rambrai C&RD Block la plie da u Myntri Rangbah ka Jylla Conrad K. Sangma ha ka 9 tarik Naiwieng 2022, hynrei hadien ar snem tam, kane ophis jong ka Block kam pat lah ban treikam pura.
