Shillong, Rymphang, 05: Kumba 20 ngut ki briew kiba suba ba ki dei kiba ju pyndonkam ïa u drok ki la shah rah ha ki bor Pulit na GS Road ha ka sngi Balang.
“Mynta ka sngi, ki Pulit ka Cantonment Beat House ki la rah haduh 20 ngut ki briew ba la suba ba ki dei kiba ju mlien ban pyndonkam ïa u drok hadien ba la lap ba ki la shu ïaid sharum shaneng bad pynwit ïa ka lynti ïaid kjat ha GS Road, hajan ka Ajmera bad ha Boucher Road,” la ïathuh u Superintendent of Police jong ka East Khasi Hills u Bah Vivek Syiem.
‘Hadien ba la shim kyrteng bad peit thuh ïa ka jinglong jingman jong ki la pynngat hapoh ki kyndon aiñ bapher bapher jong ka BNSS,” u la ong.
