Shillong, Nohprah, 18: Ka kynhun ïalehkai jong ka Meghalaya State Paralympics Association (MSPA) kaba mih khmat ïa ka jylla Meghalaya ka la ïohrah ïa ka nam lahduh ha ka lympung ïalehkai 9th Men’s IBFF National Blind Football Championship 2025 kaba la long ha Dehradun, Uttarakhand.
Kane ka lympung ïalehkai ka la sdang naduh ka 13 tarik u Nohprah, 2025 bad ka la poi noh sha kaba kut ha ka 18 tarik u Nohprah, 2025.
Ka Meghalaya ka la ïohrah ïa kane ka nam jop hadien ba ka lah ban pynliem noh ïa ka kynhun ïalehkai na ka jylla Uttarakhand da 1-0 kol ïa kaba la ïoh thep da u Klingson D. Marak tang ha ka por 5 minit ba la sdang ka jingïakhun ha ka kylla step.
U Visiondo M. Sangma u la ïoh rah ïa ka Best Goalkeeper bad u Klingson D. Marak u la ïoh rah ïa ka nam Player of the Tournament.
Da kane ka jingjop ïa ka nam lahduh kane ka kynhun ka la ïoh ban wanrah sha la iing ïa ka trophy bad ka jingsarong ïa ka jylla Meghalaya baroh kawei.
