Shillong, Nailur, 30: Ka ICFAI University Meghalaya ha ryngkat ka jingïasnoh kti lang bad ka India Tourism Shillong ka la rakhe ïa ka World Tourism Day 2024 da kaba pynlong ïa ka programme kaba ar sngi, ha ka 26tarik bad ka 27 tarik, Nailur, 2024.
Ha ka sngi sdang, la pynlong ïa ka Workshop halor ka phang ‘Capacity Building’ ha kaba ki samla na ka shnong Khlieh-A-Sem bad na ka shnong Mawlyndep ryngkat bad ki samla pule jong ka Univeristy ki la ïashim bynta ha kaba u Tourism Consultant u Bah Ian A Lyngdoh u la long kum Kongsan ryngkat ka jingdonlang jong u Bah Banlum Lyngdoh uba la mihkhmat na ka Clara Tours & Travels.
Ka Pioneers Adventure Tour Meghalaya ka la ai jinghikai ruh halor ka phang ‘Adventure Tourism & Tour Guiding’ lyngba u Bah Jason Lamare bad na ka Greentech Foundation Meghalaya halor ka phang ‘Waste Management’ ba la ai da u Bah Ritre Lyngdoh na ka Aapda Mitra Volunteers ka la ai jingkren halor ka phang ‘First Aid & Life Saving Skills’
Ha ka sngi kiba bud la pynlong da ka special progamme ha ka shnong Khlieh-A-Sem, Mawkynrew Block, East Khasi Hills District, ha kaba u JRDO jong ka Mawkynrew Block u Bah Pynshngainlang Warlaitthma u la long kum u Kongsan ryngkat ka jingïadonlang u Assistant Director ka The India Tourism Shillong, u Amit Kumar Gupta.
Ka University ka la noh synñiang ruh da ki Life Jacket bad ki tin bret ñiut sha ka shnong Khlieh-A-Sem bad ha kine ki ar sngi, la pynlong ruh ïa ka jingpynkhuid ïa ki rud ki kiar kum shi bynta jong ka Swachhata Hi Seva 2024.
