Shillong, Rymphang, 04: Lai ngut ki kyrtong kiba la thep kyrteng ban ïakhun ïa ka elekshon MDC sha ka Jaiñtia Hills Autonomous District Council (JHADC) ha ka sngi Baar ki la weng noh ïalade na ka jylli ban ïakhun ïa ka elekshon.
Katkum ka jingpyntip ba la phah da ki bor pynïaid elekshon ka Sorkar Jylla, ki lai ngut ki kyrtong kiba la randien noh na ka jingïakhun ki long u Bah Opaya Lyngdoh uba la thep kyrteng ban ïakhun na Rymbai-Khliehriat Constituency, Bah Cleofast Bamon na Mukhla-Ummulong Constituency bad u Bah Hermon Phawa na Nartiang-Wahiajer Constituency.
