Shillong, Jymmang 03: Ka khubor ba la ïoh na ki pulit la ïathuh ba u Smailstar D Sangma u la phah ka jingujor ba ha ka 30 tarik u bnai Ïaïong ha ka por kumba 5 baje janmied, ki runar bym lah ban ithuh ki la tuh ïa ka thuk thuk jong u kaba don u nombar ML-05AE-5421, kaba la pynïeng ha rud surok, kaba dei mar pyrshah jong ka Directorate of Printing & Stationery, Shillong.
Ha kawei pat ka jingjia ki pulit ki la ïathuh ba u Anckur Chokhani u la phah ka jingujor ba ha ka mied jong ka 29 tarik u bnai Ïaïong, ki runar bym lah ban ithuh ki la rung hapoh ka showroom jong u kaba don ha Keating Road, Shillong bad ki la tuh ka pisa kumba T. 3 lak.
Shuh shuh ha kawei pat ka jingjia ki pulit ki la ïathuh ba u Anuj Nandy u la phah ka jingujor ba ha ka 30 tarik u bnai Ïaïong, ki runar bym lah ban ithuh ki la prong hapoh ka ïing jong u kaba ha Bivar Road, Shillong bad ki la tuh bun ki tiar ba kynthup ïa ka ksiar ba shongdor kumba T. 5.2 lak bad ka pisa kumba T. 30,000/-.
Ha kawei pat ka jingjia ki pulit ki la ïathuh ba u Bah Edilbert Lating u la phah ka jingujor ba ha ka 26 tarik u bnai Ïaïong ha ka por mynsngi u paralok jong u uba kyrteng u Daniel na Laitkor, Shillong u la shim ïa ka scooter jong u kaba don u nombar ML-05AD-4406 na Civil Hospital, Shillong bad u khlem da la wan pynphai shuh.
