Shillong, K’lyngkot, 10: Ka Meghalaya Pradesh Congress Committee (MPCC) ha ka sngi Thohdieng ka la pyllait paidbah ïa ka thup kyrteng kaba ar jong ki kyrtong ki ban aireng sha ka Khasi Hills Autonomous District Council (KHADC) bad sha ka Jaiñtia Hills Autonomous District Council (JHADC) ka ban sa long ha ka 21 Rymphang, 2025.
Ha ka jingpyllait paidbah ïa ka thup kyrteng jong ki kyrtong ba la soi da ka General Secretary jong ka MPCC ka Kong Wansuk Syiem, ki 11 ngut ki kyrtong sha ka KHADC ki long u Bah Victor Rani na Jirang, u Bah Micky Dauglas Syiem na Umroi, u Bah Lamborsing Nongrum na Nongkrem, u Bah Rilang Nongkhlaw na Langkyrdem-Laitkroh, u Bah Monarch Shabong na Nongskhen, u Bah Batskhem Marbaniang na Mawsynram, u Bah B. Vitus Rymmai na Sohra, u Bah George Sun na Mawphlang Diengiei, u Bah G. Ningstar Marthong na Nongstoin u Bah Kodang Rashir na Mawshynrut bad u Bah Pherdonnam Garod na Langrin.
Katba ki 5 ngut ki kyrtong sha ka JHADC ki long u Bah Bitos Sari na Mukhla Ummulong, u Bah Katbanbiang Lamare na Nartiang, u Bah Richard Sing Lyngdoh na Mynto Nongjngi, u Bah Sarong Paswet na Jowai South bad u Bah Lalwilliama Thiaite na Saipung Nongkhlieh.
