Shillong, Jymmang, 22: Ka tnad Social Welfare ha ryngkat ka jingïatreilang bad ka District Hub for Empowerment of Women bad ka Jowai Women Police Station,West Jaintia Hills District ha ka sngi Palei ki la pynkup burom ïa ka samla Sawakani Lakiang kaba la wanrah burom ïa ka jylla Meghalaya da kaba ïohkhur ïa ka takma ksiar ha ka SAARC Women’s Bikini Model Category, World Fitness Federation ba la pynlong da ka South Asian Association for Regional Cooperation ha nongbah Mumbai ha ka 19 tarik Jymmang, 2025.
Ka samla Sawakani Lakiang kaba sah ha Tpeppale, Jowai ka dei ka Ambassador jong ka Beti Bachao Beti Padhao, District Hub for Empowerment of Women, West Jaintia Hills District.
Ha ka jingpynkup burom la synran lang ïa ka samla Sawakani Lakiang da u Coach jong ka u Dr. Desire Kynjing bad ki bahaiing hasem ryngkat ka jingsakhi lang jong ka Ophisar Incharge Women Police ka Inspector I. Kharpran, District Mission Coordinator F.G. Rynnga bad kiwei kiwei.
