Shillong, Lber, 27: Ki samla pule bad ki nonghikai na ki kolej bapher bapher kiba don ha ka jylli jong ka nongbah Shillong da ka jingïatreilang bad ki seng trei mon sngewbha lem bad ka tnat pynïaid kali Traffic Police jong ka East Khasi Hills District ha ka step sngi Palei ki la sam ïa ki kot lyngkdop ba la thoh “creating safe roads for children”.
Ha kane ka sngi ki la sam ruh ïa ki Helmet sha ki katto katne ki khynnah skul kiba leit skul da kaba shong ha ki thuk thuk ar shaka khlem da kup ïa ki helmet.
Ki Pulit ki la pynsngewthuh ruh ïa ki kmie ki kpa shaphang ka jingdonkam ban da pynkup helmet ïa la ki khun haba leit jingleit da ki thuk thuk ar shaka khnang ban lait na kino kino ki jingjia ba sngewsih.
