Shillong, Nailar 16: Ryngkat lang bad ka ri India baroh kawei ka jylla Meghalaya ka la rakhe ïa ka sngi Laitluid ka ri kaba 79 snem ha kaba u Myntri Rangbah ka jylla u Conrad K Sangma u la kyntiew ïa la lama lairong ka ri bad u la shim ïa ka Rashtriya Salute jong ka 35 Marching Contingents kaba kynthup ka Border Security Force, CRPF, East Khasi Hills Special Operation Team, 1st MLP Bn., 5th IRBN Arunachal Pradesh, NCC Boys & Girls, Meghalaya Bharat Scouts and Guides, Loreto Convent School, Sacred Heart Girls Hr. Sec. School, Mawngap District Christian Multipurpose Sec. School, Holy Cross Sec. School, St. Mary’s Higher Sec. School, Stephen Memorial Sec. School, St. Joseph Hr. Secondary School, BSF Boys Sec. School, BSF Girls Sec. School, St. Gabriel Hr. Sec. School, Laban Bengalee Boys Hr. Sec. School, St. Anthony’s Hr. Sec. School, Hubert Memorial Sec. School, Pine Mount Hr. Sec. School, B K Bajoria Hr. Sec. School, Synod Hr. Sec. School, All Saints Hr. Sec. School, Brookside Hr. Sec. School, Auxilium Hr. Sec. School, Assam Rifles Public School Horse Riding Contingent and Brass Bands na Border Wing Home Guard, BSF, Sacred Heart Boys Hr. Sec. School, St. Margaret Hr. Sec. School bad Auxilium Hr. Sec. School.
La sam ruh ïa ka Police Medal for Meritorious Service sha u Billygraham R Marak, Commandant bad u Bah Allan Eddie Marbaniang, Asst. Sub Inspector, bad ïa ka Fire Service Medal for Meritorious Service sha u Bah Rokesh Warjri, Leading Fireman la pynbna ha kane ka sngi.
Shuh shuh ha kane ka sngi la sam ïa ka khusnam sha ka kong Badalyne Kharkongor, Divisional Commandant of Home Guards, Shillong Home Guards Division bad ïa u Naik Parsing Ch Marak, Central Training Institute of Civil Defence & Home Guards kiba la ïoh ka khusnam Meritorious Service Medal na ka tnat Civil Defence & Home Guards jong ka jylla.
Ha ka jingrakhe la sam ruh ïa ki syrnot sha ki jaka sumar ba paw, kiba dei ba pynïaid da ka sorkar bad ki riew shimet hapoh East Khasi Hills District halor ki jingpyntreikam bha ïa ka MHIS-PMJAY scheme. Nangta la sam ka khusnam sha ka PHC kaba treibha ka Dangar PHC, nangta ka CHC kaba treikam bha ka Mawphlang CHC, ka jaka sumar ba treikam bha ka Maternal & Child Hospital sha ka Ganesh Das Government Maternal & Child Hospital bad ka khusnam sha ka jaka sumar shimet kaba lehbha ki kam la ai sha ka Nazareth Hospital.
Ïa ki Prize la sam ruh sha ki nongjop ha ka March Past ha kaba ka Loreto Convent School, BSF Girls Hr. Sec. School bad St. Joseph Hr. Sec. School ki la jop ïa ka 1st, 2nd bad 3rd prize.
Ha ka Brass Band, ka Sacred Heart Boys Hr. Sec. School, St. Margaret Hr. Sec. School bad Auxilium Girls Hr. Sec. School ki la jop ha ka kyrdan 1st, 2nd bad 3rd.
Ha ka cultural programme, ka Pine Mount Hr. Sec School, Auxilium Girl Hr. Sec. School, St. Anthony’s Hr. Sec. School ki la jop ha ka kyrdan 1st, 2nd bad 3rd prize.
