Shillong, Nailar, 26: Ka KSU CEC ha ka lah sngi U Blei ba la lamkhmat da u Samla Hopeful Born L. Mawnai bad u Samla Eddie Malngiang Asst. Organising Secretary CEC ki la pdiang burom ha ISBT Mawiong ia ki rang bad ki thei ialehkai Arwrestling kiba la wan ban iashim bynta ha ka World Armwrestling & Para Armwrestling Championship kaba long ha ka Ri Moldova.
Ha kane ka sngi la don ryngkat ban sakhi lang da ki dkhot ka KSU na ki circle bapher bapher bad ha ryngkat ka jingdon lang ki bahaiing bahasem ki nongiashim bynta.
Ki don baroh 14 ngut na ka jylla kiba lah ia leit mih khmat, kata 2 ngut ki officials bad 12 ngut ki nongiashim bynta. Na pdeng kine ki nongiashim bynta, kiba lah ioh ban khur ia ki takma ki long kumne harum ka Kong Margaret Pathaw kaba la jop ia ka takmq ksiar bad rnong ha ka 60kg Master, ka Kong Senebi syngkli kaba la jop ar tylli ki takma rnong ha ka 55kg Youth, ka kong Mihsngewbha Rymbai kaba la jop ar tylli ki rakma rupa ha ka 80kg grandmaster, ka Kong Starina Jasaiñ kaba la jo0 kawei ka takma rupa bad ka takma rnong ha ka 60kg grand master lem bad u Bah Hubert Paliar uba la jop ia ka takma rnong ha ka 55kg Hearing.
Ka seng ka kitbok kitwiang ia baroh ki nongialehkai ba lyngba kane ka rynsan kin nang lah shuh shuh ban pyntbit kham bha bad ba kin wanrah nam bad burom biang sa shisien ia ka jylla bad ia ka jaidbynriew hi baroh kawei.
U President jong ka Meghalaya Arm Wrestling Association u la ai khublei ia ka Seng bad ha ki sngi ki por ban nang wan ki kyrmen ba ngin ia snoh kti lang khnang ban kyntiew ia ka sap ka phong ba ki khun samla ka Bri U Hynñiewtrep ki don.
