Shillong, Nailar, 02: Ka District and Sessions Court ha Jowai, West Jaiñtia Hills district, ka la rai pynrem ïa ki lai ngut ki briew, kata, u Nios Shylla, u Leader Syngkon bad ïa u Koi Syngkon hapoh ka Section 304 Part-II jong ka Indian Penal Code (IPC) halor ka jingïap jong uwei u rangbah uba la tip kyrteng kum u Just Shadap uba la shah thlieh da ka dieng thang.
Kane ka dei ka jingjia ha ka 20 tarik, Rymphang, 1997, haba u Waheh Shnong jong ka shnong Tamu u la ujor da ka ejahar ha ki Pulit ka Saitsama Outpost, da kaba kynnoh ba ki lai ngut ki la ktah kti bad pynïap ïa u Just Shadap.
Ka Kashai kaba la lap ba ki nongshah kynnoh ki donkti ban tangon bad ban thlieh da ka dieng thang ïa u Bah Shadap kaba la lam sha u pud ban un duhei ïa la ka jong ka jingim ha kane kajuh ka sngi.
Ïa ka case la register ha Jowai Police Station hapoh ka Case No. 14(2)1997 ha ka Sections 302/34 IPC bad ïa ka jingtohkit la bynshet ha u Deputy Superintendent of Police barim u D.M Sangma, MPS.
Ka kashari ka la rai pynrem ïa ki lai ngut ki runar ban shong along san snem ryngkat bad ka jingdaiñ kuna kaba T. 1,000.
Da ka jingrai pynrem bad ka jingai jingpynshitom ka la pynkut noh ïa ka mukotduma kaba la sahteng palat 28 snem.
