Shillong, Jylliew, 11: Ki nongïaid lynti ha nongbah Shillong kin hap ban ïaid lynti noh na kiwei ki surok namarba yn khang ïaid lyngba na ka jingkieng Umshyrpi na ka daw ka jingshna ïa ka jingkieng ka dang ïaid shakhmat.
Ïa ka jingïaid lynti jong ki kali lyngba kane ka jingkieng yn khang na ka bynta saw sngi, ka ban sdang naduh 11 tarik haduh ka 15 tarik, Jylliew, 2025.
Ka jingkhang ban ïaid kali kan sdang naduh ka por 10:00 mynmiet haduh 5:00 baje mynstep.
U Superintendent of Police ka East Khasi Hills Bah Vivek Syiem ha u kyrwoh u la pyntip ba ki kali kiba wan na ka thaiñ Upper Shillong ban ïaid lyngba ka jingkieng Umshyrpi bad MES Point kin hap ban ïaid noh na 5 Mer, Upper Shillong sha Pomlakrai – Laitkor – Madanrting – Laitumkhrah bad shadien ter ter.
Na ka bynta ki kali kiba wan na ka surok Lumdiengjri ban leit sha Upper Shillong lyngba ka jingkieng Umshyrpi kin hap ban ïaid noh na Laitumkhrah – Madanrting – Laitkor – Pomlakrai – 5MerUpper Shillong bad shadien ter ter.
Ïa ki kali kit nongpang, yn shah ban ïaid ha kine ki kynta ba la khang ïa ka jingïaid kali lyngba ka jingkieng.
