Shillong, Lber, 28: Ka long ka khubor kaba kmen bad kaba sarong ïa ka jylla Meghalaya ha kaba uwei u rang ïakhun kti ba kynsai ka jylla uba dei u Pulit na Ri Bhoi District u Bah Alan Sun Marbaniang u la shah jied ban mihkhmat ïa ka dewbah Asia ha ka World Championship ka ban sa long ha Birmingham, England.
Une u khlur lehkai na ka kynhun Pulit, un mihkhmat ïa ka India ha ka Asian Championship ka ban long ha Delhi ka ban sdang naduh 3 tarik Jymmang 2025 haduh 11 tarik Jymmang 2025 ha ka kyrdan 90 kilo senior men.
Ha ka World Championship, un mihkhmat na ka dewbah Asia ka ban long ha Birmingham, England ha u bnai Jylliew bad Naitung, 2025 ha ka kyrdan 90 kilo.
