Shillong, K’lyngkot, 23: U heprit Charming Suchiang, uba dang don mynta ha ka rta kaba dang 7 snem bad uba don sap ïaid Model u la don mynta ha ka ri Thailand ban mihkhmat ïa ka ri India bad ïa ka thain Shatei Lammihngi ha ka sien kaba ar ban ïashim bynta ha ka rynsan ïakob International Pageant.
U heprit Suchiang un ïakhun ïa ka phainal ka ban long lashai ka sngi Thohdieng.
Kum ban shu pyntip hangne ba u heprit Charming Suchiang uba dang pule ïa ka Class-3 ha Laitumkhrah Presbyterian Higher Secondary School u lajop ïa ka jingïakop kaba la tip kum ka Global Inbaternational Little Mister kaba la long ha ka nongbah Khatmandu jong ka ri Nepal ha u snem 2024.
U heprit Charming Suchiang uba sah ha ka shnong Lapalang, Shillong uba dei ruh u khun jong ka Kong Rihunlang Suchiang bad u Prince Chettri.
Ki kmie ki kpa jong u Charming Suchiang ki la kyrpad ïa ki paidbah nongshong shnong ka jylla ba kin ai ïa ka jingkyrshan ha ki social media da kaba pyndonkam ïa u hasttag#SupportChamp #IndiaProud #NorthEastShines.
