Shillong, Nailar, 29: U Dr. Heipor Uni Bang uba long u Principal bad u trai jong ka KB. Memorial Secondary School Wapung, East Jaintia Hills District u la shah jied ban ïoh pdiang ïa ka National Teachers’ Awards 2025 na ka jylla Meghalaya.
U Dr. Heipor Uni Bang u dei uwei napdeng ki nonghikai ba la pynbna da ka President Droupadi Murmu ban shah pynkup burom ha ka jingrakhe ïa ka Teachers’ Day ka ban sa long ha ka 5 tarik Nailur, 2025.
Kane kam dei shuh ka sien kaba nyngkong ïa u Dr. Heipor Uni Bang ban ïoh ïa ka jingithuh bad ha u snem 2021 u la ïoh pdiang ïa ka Teachers Award bad ïa ka State Teachers Award ha u snem 2024 bad ha ujuh hi u snem u la pyndep pat sa ïa ka kyrdan PhD ha ka Environment Management.
U Dr. Heipor u la ïoh ruh ïa ka Lifetime Membership ka Red Cross na u Governor ka jylla Meghalaya ha u snem 2018 bad nalor kata u la trei ruh kum u dkhot jong ka Juvenile Justice Board, Khliehriat bad u la hikai ruh ha Thomas Jones Synod College, Jowai ha u snem 2014 bad ha u snem 2017.
U Dr. Heipor u la ïa ka kam hikai skul ha u snem 2009 hadien ba ula pyndep ïa ka M.Sc ha ka Botany u la seng ïa ka KB Memorial Secondary School ha u snem 2013.
