Shillong, Naitung, 13: Ki Pulit ka Anti-Narcotic Task Force (ANTF) ka East Khasi Hills ha ka sngi Saitjaiñ ki la ïohkem saw ngut ki snar khaii drok ha Fire Brigade, Shillong kaba hap hapoh ka Laitumkhrah Police Station.
Katkum u kyrwoh ba la phah da u Superintendent of Police (City) ka East Khasi Hills, la ïathuh ba ki saw ngut ki snar khaii drok ki dei kiba la ithuh kyrterng kum u KaiKhaio Hao, 62 snem, ka Gracy Dawman 40 snem, ka Pholneilam Kipgen 34 snem bad u Plalcha Khongsai, 31 snem
Na kine ki saw ngut ki Pulit ki la ïoh ban kurup 34 tylli ki synduk thep sabon ba la thep ïa u drok heroin uba khia 411.99 gram, san tylli ki mobile phone bad ar tylli ki jingteh syngkai.
Ki Pulit ki la register case ha Laitumkhrah Police Station hapoh ka Section 21(c)/27A/29 NDPS Act bad ka jingtohkit ka dang ïaid shakhmat.
