Shillong, Naiwieng, 03: Ki Pulit ka Mawkyrwat Police Station, South West Khasi Hills District ha ka 2 tarik, Naiwieng, 2025 ki la ïoh kem ïa ki saw ngut ïa kiba la suba ba ki dei ki dkhot jong ka Garo National Liberation Army-Regroup na ki shnong kiba don ha khappud jong ka India bad Bangladesh ha ka bynta ba dang hap hapoh ka South West Khasi Hills District halor ka jingdonkti ban sam ïa ki shithi dawa pisa bad ban byrngem ruh ïa ki nongkhaii.
Kine kiba la shah kem ha ki Pulit ki dei kiba la tip kyrteng kum u Marson R. Marak uba la 18 snem ka rta bad u Babulin D. Sangma uba la 27 snem ka rta kiba sah ha ka shnong Upper Rajapara, u Tartus N. Marak uba la 20 snem ka rta uba sah ha ka shnong Mulapat bad uwei u samla lud uba la 16 snem ka rta.
Katkum ka khubor ba la ïohlum na ki Pulit ka ïathuh ba kane ka jingïohkem ïa kine ki suba dkhot jong ka GNLA-R ka pynpaw ba ka don ka jingpyrshagn jong kane kane ka kynhun ban pynim, ban dawa pisa bad ban leh ïa ki kam runar ruser ha ki shnong kiba don ha shilynter ka khappud jong ka ri India bad Bangladesh.
