Shillong, ïaïong, 22: San ngut ki snar tuh thuk thuk ki la ngat ha ka shrip ba la pynap da ki Pulit ha kiba bun jaka.
U Superintendent of Police ka East Khasi Hills Bah Vivek Syiem u la pyntip ba ki san ngut ki snar tuh thuk thuk kiba la shah kem ki dei kiba la tip kyrteng kum u Pius Talang, 19 snem na ka shnong Pyrdiwah, u Lovingstar Surong 18 snem, na Pynursla, u Ba lajied Mawiong 19 snem na ka shnong Sohlong, Pynursla bad u Banpynskhem Mukhim 19 snem na Pynursla kynthup ruh u Nironton Tangsong, 24 snem na Mawryngkang.
Ïa kane ka kynhun Gang kaba ju donkti ban rong tuh ïa ki thuk thuk yn sa tian bishar ha Kashari ha ka sngi Ba lang.
U SP la pyntip ruh ka jingïoh kem ïa kine ki snar tuh thuk thuk ka long hadien ba ar tylli ki R15 motorbike ki la shah rong tuh ha ka step sngi Baar na ka shnong Sunny Hills bad na 3 Mer, Upper Shillong. Mar mar la bthah ïa ki Pulit ban pynlong ka jingpynap shrip ha kiba bun jaka.
Ki Pulit ki la lap ruh ïa kawei ka thuk thuk ba la shah tuh na 4 Mer la iehnoh ha khlaw Sangmein katba kawei pat ka thuk thuk la ïohbat da ki Pulit kiba pynap ktem ha Pynursla. Uwei na ki snar tuh thuk tuk u la lait phet da ka said hadien u la ryngkang pyrshah na ka jingker ba la
