Shillong, Naiwieng, 29: Ki Pulit ka East Jaiñtia Hills District kiba la ïoh ïa ka jingtip kaba bniah na ki tnat syntiat ha ka jingpynap shrip ha Lumshnong, East Jaiñtia Hills ha ka 26 tarik, Naiwieng, ha ka por kumba 3.30 baje janmiet ki la ïoh bat ïa kawei ka kali Maruti Alto-K10 kaba don ïa u nombar AS-01MA-8679 ba la ñiah da u Tafajul Hussaiñ Bharbhuiya, 31 snem ka rta ryngkat bad uwei u briew ba la suba ba u dei u nongkhaii drok, uba la tip kyrteng kum u Bhuban Deb, 40 snem ka rta.
Ha ka jingtalasi ki Pulit ki la ïoh kurup lai synduk plastik ïa u suba drok napoh ka kali uba khia 36.84 gram.
Ïa kine ki arngut ki Pulit ki la rah noh sha thanat ban pynlong ïa ka jingtohkit bad register ïa ka case hapoh ka NDPS Act.
