Shillong, Jylliew, 17: Ki Pulit ka Anti-Narcotics Task Force (ANTF) ka East Khasi Hills kiba la pynlong ia ka jingtalasi ia ki kali ha ka step Lah Sngi u Blei, ki la ioh ban kurup 454.32 gram u drok Heroin hajan Madanriting Police Station na ki arngut ki kynthei Manipuri kiba shong ha kawei ka kali Tourist.
Katkum u kyrwoh ba la phah da u Superintendent of Police ka East Khasi Hills Bah S. Nongtnger la iathuh ba ia kine ki arngut ki snar khaii drok kynthei la ithuh kyrteng kum ka Tinkhonei Haokip, 37 snem ka rta bad kawei pat kaba la tip kyrteng kum ka Mongkim Haokip, 53 snem ka rta kiba sah ha ka shnong New Keithelmanbi, Senapati, Manipur
Ki Pulit ki la kem noh ia kine ki arngut bad ka jingtohkit mynta ka dang iaid shakhmat hadien ba la register case hapoh ka Section 21(c)/29 jong ka NDPS Act ha Madanriting Police Station.
