Shillong, Nailar, 11: Sang ngut ki briew ki bym lah satia ban ithuh durkhmat kiba donkti ban kawang da u petrol bom ïa u durmot jong u JN Bawri ba la pynieng ha Bawri Mansion, Dhankheti, Shillong ki la shah kem ha ki Pulit ka Laitumkhrah Police Station.
“San ngut ki briew ki la shah kem halor kane ka jingjia,” la ong u Superintendent of Police ka East Khasi Hills u Bah Sylvester Nongtnger.
U la ïathuh ba ïa ka case la registered ha Laitumkhrah police station.
U SP u la ïathuh ba ki runar ki la kawang da u petrol bom ïa u stashu bad pynpait ruh ïa ka iit jingkhang jong ka ATM ba don markhap da kaba kawang maw ha ka step phyrngab sngi U Blei.
Halor kane ka jingjia la ujor ruh ïa ka ejahar ha Laitumkhrah Police Station bad ki Pulit tang shu ïoh jingtip halor kane ka jingjia ki la leit ban pynlong ïa ka jingtohkit bad ban lum ruh ïa ki lyngkhot lyngkhai jong u bilor ba la shna petrol bom ïa uba la pyndonkam ban kawang ha u stashu.
Ki Pulit ki la tohkit ruh lyngba ka CCTV ba la pyndait hajan kane ka jaka ban ithuh durkhmat ïa ki briew kiba donkti ha kane ka jingjia.
