Shillong, Nailar, 24: Ki shipai BSF Meghalaya, ryngkat ka jingïatreilang bad ki Pulit, ki la ïohkem ïa uwei u nong India ryngkat bad ka kiad ba la thmu ban shalan tuh sha ka ri Bangladesh na khappud jong ka East Khasi Hills District.
Ha ka jingtalasi ïa ki kali, ki shipai BSF bad ki Pulit ki la ïoh bat ïa kawei ka kali Alto hajan lad surok Pynursla, kaba kit ïa ka kiad. Marmar la bat ïa u nongñiah hadien ba um shym la lah satia ban pyni ïa ki kot ki sla kiba biang ban kit ïa ka kiad hapoh kali.
Ïa une u nongkhaii kiad, ryngkat bad ka kali la aiti noh sha ki Pulit jong ka Pynursla Police Station ban pynlong ïa ka jingtohkit kaba bniah katkum ki kyndon jong ka aiñ.
