Shillong, Nailur, 09: Ki Pulit ka Mairang Police Station kiba la pynlong ïa ka jingtohkit kaba bniah halor ka jingshah ot ryndang u Bah Bunsiewdor Nongrang ha ka 6 tarik, Nailur 2025 ha ka shnong Mawlyntriang, Eastern West Khasi Hills District, ha ka step 9 tarik, Nailur 2025 ki Pulit ki la leit kem ïa uwei u rangbah uba la tip kyrteng kum u Bah Linter Ryntathiang uba la 46 snem ka rta na iingsah jong u na ka shnong Mawlyntriang halor ka jingsuba ba u dei uba donkti ha kane ka kam runar.
U kyrwoh ba la phah da u Superintendent of Police jong ka Eastern West Khasi Hills District u la pyntip ba ïa u Bah Linter Ryntathiang la tian bishar ha Kashari Nongstoiñ bad ka Kashari ka la phah set ïa u 14 sngi ha Judicial Custody.
U SP u la pyntip ba ki Pulit ki dang pynlong shuh shuh ïa ka jingtohkit bad ka jingthwet ban ïohkem sa ïa kiwei pat kiba donkti lang kiba phetrieh ban lait na ka jingshah kem ha ki Pulit.
Ha kaba ïadei bad kane ka jingjia, ki Pulit ki la register case ha Mairang Police Station hapoh ka Section 117(3)/109(2)/3(5) jongka BNS,2023.
