Shillong, ïaïong, 05: Ka shnong Mawshylliah kaba hap hapoh ka South West Khasi Khasi Hills District kaba don ha syndah jong ka wah Umngi ka dei kawei na ki shnong kaba la shah ktah bha namar ka jingshah khlong ha ka por lyuir ha ka Wah Umngi kaba don markhap bad ka shnong bad katba nang mih ki sngi ka um ka la nang khlong shuh shuh sa sha ki jaka ba don ki ing ki sem jong ki paidbah nongshong shnong.
Namar ka jingbym ihun ïa ka rukom tei ïa ka kynroh ïada ïa ka jingkhlong um, ki nongïalam shnong ki la mih shakhmat ban pynsangeh noh ïa ka jingtrei ba la pyntrei da ka Brahmaputra Board.
Kumta, ha ka 5 tarik, Ïaiong, 2025 u MLA jong ka Ranikor Constituency u Bah Pius Marwein u la hiar jurip dalade ïa ka jingpyntrei ïa ka kynroh ba la mang pisa 18 klur ha ryngkat ka jingïadon lang u General Manager jong ka Brahmaputra Board u A.Kumar lem bad ki ophisar na ka ophis jong u Chief Engeneer ka tnat Water Resources ka Sorkar Jylla bad kiwei kiwei.
Halor ka jingbym hun ïa ka rukom shna ïa ka kynroh, na ka liang jong ka Brahmaputra Board ka la rai ba kan sa pynkhreh biang ïa ka mang tyngka namarba katkum ka Detailed Project Reports ba ladep mang pisa kam dap satia.
