Shillong, Risaw, 03: Uwei u rangbah uba shong basah ha kawei ka shnong ha Shillong ha ka jingujor u la pyntip ba u la lap ïa kawei ka online investment organization ba la tip kyrteng kum ka ‘Premier Investment Fund Ltd’, kaba kam ba ka dei ka SEBI ba la rejistar.
Hadien kata, u nongujor u la pynïasoh ïalade ha ka WhatsApp Group jong ka kompeni ha kaba uwei na ki Agent u la bthah ïa u ban thep pisa da ka jingkular ban ïoh kham bun ka pisa, ha kaba u (nongujor) u la kohnguh bad thep ïa ka pisa T. 7 lak.
Hynrei haba u la pyrshang ban sei ïa ka pisa, la bthah pynban ïa u ban thep shuh shuh ïa ka pisa kum ka Profit Charge, hynrei lym kumta, ki la byrngem ban duhei wat ïa ka pisa kaba u la thep. Hadien kata, u nongujor u la sngewthuh ba u la ngat ei ha ka jingshah thoh.
