Shillong, Nailar, 16: Kawei ka kali Bolero kaba don ïa u number ML 05L 3840 kaba la pynieng ha thanat jong ka Pastuer Beat House, Shillong ka la shah wiang ding ha ki runar ki bym lah satia ban ithuh durkhmat.
Kane ka la jia ha ka step phyrngab ka sngi Thohdieng, katba ka jylla baroh kawei ka dang pynkhreh ban rakhe ïa ka sngi ïoh laitluid jong ka ri India.
Ha kane ka jingjia, ka kali ka la julor malu mala na ki bynta ba shakhmat.
Ha kaba ïadei bad kane ka jingjia, ki Pulit ki la pynlong ïa ka jingtohkit ban lapdien ïa ki runar kiba donkti ha kane ka kam.
U Superintendent of Police ka East Khasi Hills Bah Vivek Syiem u la ïathuh ba ki runar ki la wan da kawei ka Scooty ha ka por kumba 3:30 baje mynstep bad pyrshang ban wiang ding ïa ka kali jong ka Pasteur Beat House hynrei la lap ba kloi ban pynlip noh ïa ka ding.
