Shillong, Nailur, 06: Ka Kashari u Session Judge jong ka East Jaiñtia Hilis District ka la hukum ban set along shi jingim ïa u Ngaitlang Lyngdoh hadien ba la lap u dei uba donkti ha ka kam pynïap briew.
Katkum u kyrwoh ba la phah da u Superintendent of Police ka East Jaiñtia Hills, la pyntip ba ki Pulit ki la register case ha Khliehriat Police Station hapoh ka Section 302 IPC bad ïa ka jingtohkit la bynshet ha u Inspector M. Marboh.
Hadien ba la pyndep ïa ka jingtohkit la pynngat kyndon ha ka 29.04.2070.
Ka Kashari kaba la tian bishar ka la lap ba u Ngaitlang Lyngdoh u dei uba donkti bad rai pynrem da kaba set along shi jingim bad daiñ kuna T 5,000 hapoh ka Section 302 IPC.
