Shillong, Naitung, 22: Ka Meghalaya Human Rights Commission (MHRC) ka la shim suo moto halor ka jingsaphriang jong kawei ka lyngkhot video kaba la pyni ïa ka rukom treikam jong ki Pulit kiba shimti ïa ka metïap jong kawei ka samla kynthei, ba la kynnoh ba ka la shah pynïap ha la u jong u baieid ha East Garo Hills district.
Ïa ka metïap la ieh kumto khlem da tap da ka jaiñ ha kaba ki nongleit nongwan ki lah ban ïohi, kaba pyni ïa ka jingbym kitkhlieh jong ki Pulit, la ong u Secretary ka MHRC u L. Ch. Marak ha u kyrwoh ba la phah ha ka sngi Baar.
U Marak u la la pynpaw ba la kynnoh ba ka One Stop Centre (OSC) kaba don ha Williamnagar kam shym la leh ïa kaba dei haba ka nongshah pynïap ka la leit sha kane ka Centre.
Ka Commission ka la bthah ïa u Superintendent of Police ka East Garo Hills District ban phah ïa ka kaiphod halor kane ka kam.
Ka Commission ka la bthah ïa u Director ka Social Welfare ban phah ïa ka kaiphod ryngkat bad ka kopi jong ka jingthoh ba la shon ha ka kotkhubor sha u Director, Social Welfare.
