Shillong, Nailur, 04: Ka Khasi Students Union, Mawphlang Unit kaba la pan da ka hok wad jingtip na ka tnat Pule Puthi ka Sorkar Jylla ka la shem ba ka Sorkar kam pat thung satia haduh mynta da ki nonghikai kiba pura ha Science and Commerce College kaba don ha ka shnong Mawphlang, East Khasi Hills District hynrei haduh mynta la shu thung tang da ki nonghikai ba la shu siew dor sngi watla ki la don 20 ngut ki khynnah kiba pule ha ka Commerce Stream bad 18 ngut ha ka Science Stream.
Ha u kyrwoh ba la phah da ka KSU Mawphlang Unit ryngkat bad ki video hadien ka jingjurip ïa ka College ha ka 3 tarik Nailur, 2025, ki nongïalam ki la ïohlad ban pynsngew ha u Incharge Principal ba ka College ka la donkam ban don ïa ka Bos, ban shna pyndep noh ïa ki Hostel, ki Quarter bad ban ker kynroh ka College.
Nalor kata, ka seng ka la pyntip ba watla ka College ka la don ka Laboratory bad ka Library hynrei kam pat don ïa ka Um bad ka bording kaba biang.
