Shillong, Lber, 15: Ka kynhun ïalehkai phutbol jong ka ri India kaba la wan poi tiap mynta sha nongbah Shillong ban ïakhun paralok pyrshah ïa ka kynhun ïalehkai na ka ri Maldives ka la pynkhreh bha ïalade da kaba pynlong ïa ka jingkilan met ha madan JN Stadium kaba don ha Polo, Shillong ha ka sngi Saitjaiñ.
Katkum ka prokram, ka kynhun ïalehkai jong ka ri India kan ïalehkai paralok pyrshah ïa ka Maldives ha ka 19tarik, Lber, 2025 bad hadien kta, kane ka kynhun ïalehkai jong ka ri India kan hap ban pynkhreh pat ïalade ban mih madan sa ha ka jingïakhun ban ïaknieh rung sha ka AFC Asian Cup 2027 pyrshah ïa ka kynhun ïalehkai na ka ri Bangladesh ka ban sa long ha ka 25tarik Lber, 2025
Shwa, kane u Assistant Coach jong ka kynhun ïalehkai ka ri India u Mahesh Gawali u la wan poi sha nongbah Shillong ban jurip ïa ka madan ïalehkai ha JN Stadium ryngkat ka jingsynran lang jong ki nongïalam ka Meghalaya Football Association ba la mihkhmat da u Vice-President u bah Cliff Nongrum.
