Shillong, Jymmang 22: Ki nongïalam jong ka Jaintia National Council, Khliehriat Circle ba la lamkhmat da u General Secretary u Bah Symboh Baiar Sumer hadien ka jingïoh jingujor na ki kmie ki kpa jong ki khynnah skul ha ka sngi Palei ki la leit pynsngew sha u Deputy Commisioner jong ka East Jaintia Hills District ban buh noh da ka por ïaid ïa ki kali heh ha surokbah Khliehriat ha ka por long skul mynstep bad ha ka por mynsngi ynda la wai skul namarba kane ka buh jingma shikatdei ei ïa ka leit ka wan jong ki khynnah skul namar ka jingïaid laitlan jong ki kali heh ha sor Khliehriat kaba wanrah ruh ïa ka jingdheng kali kaba jur da ki kynta.
Na ka liang jong u Deputy Commissioner u la kular ban shimkhia ïa kane ka jingdawa jong ka seng buh pynbna noh da ka No Entry lane ka jingbym shah rung ïa ki kali heh naduh ka por 8:00 baje haduh 9:00 baje mynstep ba dang dei ka por leit skul ki khynnah bad naduh ka por 2:00 baje haduh ka 3: 00 baje noh sngi ba dei ka por wai skul.
