Shillong, Lber, 23: U lapbah lapsan uba la wan ryngkat bad phria ha ka shiteng sngi jong ka sngi u Blei u la lynshop ha kylleng ki shnong ka East Khasi Hills District bad ha them Ribhoi bad kiba bun na ki shnong ki la sakhi ïa kane ka jinghap jong u phria ha kaba sdang jong ka aiom pyrem ha une u snem 2025.
Ka jinghap phria ka la neh kumba kumba katto katne kynta eiei bad bun na ki shnong kiba la sakhi ïa ka jinghap jong u phria uba heh kat ki mawria.
Ka shnong Mawlai Mawiong, ka Mawreng, ka Laitpynter, Marbisu bad Kreit, East Khasi Hills ki la shu lieh hi shaid na ka jinghap jong u phria uba jur.
Ha ka shilynter ka surok GS Road ha ka thaiñ Mawlai ter ter shaduh Damsite bad sha them Ribhoi ka surok ka la lieh hi shaid na ka jinghap jong u phria kat haduh ba ka la pynsyrtok ïa ki nongniah kali namarba ki hap ban ñiah husiar ïa ki kali na ka jingsyntuid jong ka surok.
La ïoh jingtip ruh ba ha ki thaiñ Umroi, Bhoirymbong ka jinghap jing u phrïa ka la jur bha.
Ka jingther jong u lapbah lapsan bad ka jingpaswut jong ka lyer kaba jur ia la kdïah jubor ïa ki tnat dieng kseh kiba heh kiba la hap halor u post elekctric High Tension hajan ka FCI, Mawroh uba la khyllem hapdeng surok.
Ki bor ba dei peit jong ka tnat MeECL tang shu ioh jingtip, ki la leit marmar ban weng noh ïa ki dieng kseh bad ïa u post elektrict ba la hap hapdeng surok bad ki la maramot noh mardor khnang ba ki katto katne ki shnong ha Mawlai kin ioh biang ïa ka bording.
