Shillong, Lber, 15: Ki dkhot jong ka Khun Kynthei Hynniewtrep Association (KKHA) ha ka sngi Saitjaiñ ki la ai jingïarap da ki marbam ïa ki khunswet ba la ri bad sumar da ki riewniam Sister ha Ferrando Transit Shelter Home kaba don ha Mawlai Mawdatbaki, Pata, Shillong ïa kaba la pynïaid da ka jingïasyllok Missionary Sisters of Mary Help of Christians (MSMHC).
Ka Assistant General Secretary jong ka seng ka Kong Waio Suïam ka la ong ba ka jingai jingïarap da ki marbam ka long kum shi bynta ban ïarap ïa kane ka Shelter Home ba kan dup lah ban bsa ïa ki khynnah ba la ri bad sumar ha kane ka iing bad ha kajuh ka por ka la ai ruh ka jingkitbok kitrwiang ba kine ki khynnah kin dup san bad heh ha ka jingtipbriew tipblei hapdeng ka jingsumar bad ka jingkhmih jong ki sister kiba pynïaid ïa kane ka Shelter Home.
