Shillong, Jylliew, 17: Ka shnong Huroi kaba don ha ki bynta khappud jong ka East Jaintia Hills District bad ka ri Bangladesh ka la shah ktah haduh katta katta ha ka jingshlei um na ka jingther jong u lapbah uba jur ha kine ki khyndiat sngi.
U Waheh Shnong jong ka shnong Huroi u Bah Golden Marbaniang u la iathuh ba kane ka jingshlei um ka la jia ha ka 15 tarik mynta u bnai bad bun tylli ki iing ki la shah tap ha ka um bad ha kajuh ka por u la iathuh ba ia ki briew la pynkynriah sha ki jaka ba kham shngain bad kiba lait na ka jingshlei um.
Une u nongialam shnong u la iathuh ba ka jingshlei um ka jia tang na ka daw ka jingbym don ki jingiada ia ki wah duid bad u la kyntu ia ka sorkar bad ia ki nongmihkhmat ka thain ban shna ia ka kynroh ka ban iada na ka jingshlei ha ki bynta ba sharum jong ka shnong.
Shuh shuh u la pynkynmaw ruh ba ka shnong Huroi ka ladep aiti da ka dorkhas sha ka Sorkar ban shimkhia lem na ka bynta ban shna ia ka kynroh ka ban iada na ka jingshlei jong ka um.
