Shillong, Rymphang, 03: Ha ka sngi ba la kut ka jingthep kyrteng ki kyrtong jong ki seng saiñpyrthei bapher bapher kynthup ruh ïa ki kyrtong kiba ïakhun kum ki Independen ki la leit ban thep kyrteng ha ka Lah Sngi u Blei na ka bynta ban aireng ïa ka elekshon sha ka Iingdorbar Thawaiñ jong ka Khasi Hills Autonomous District Council (KHADC) ka ban sa long ha ka 21 tarik Rymphang, 2025.
Ki kyrtong kiba la thep kyrteng ha kane ka sngi ki long u CEM ka KHADC u Bah Pynïaid Sing Syiem uba long u kyrtong jong ka NPP u ban ïakhun na Nongthymmai Constituency, u Bah Michael Thongni uba ïakhun kum u kyrtong Inpendent na Nongstoin Constituency, u Bah Medalsing Lyngdoh uba long u kyrtong jong ka seng Congress ban ïakhun na Mawkyrwat Consituency, u Bah Barister Paul Thyrniang uba long u kyrtong jong ka Khun Hynniewtrep National Awakening Movement u ban aireng na Mawkyrwat Constituency, u Bah Kansing Lynshïang uba long u kyrtong ka United Democratic Party ban ïakhun na Mawkynrew Constituency, u Bah Hilarius Warbah uba long u kyrtong ka seng Congress ban ïakhun na Mawkynrew Consituency, ka Dr. Amanda Pakyntein kaba long ka kyrtong jong ka National Peoples Party ban ïakhun na Mawkynrew Constituency, u Bah Pherdonnam Rngaid uba long u kyrtong jong ka seng Congress ban ïakhun na Langrin Constituency, nangta de arngut ki kyrtong jong ka Bharatiya Janata Party, kata u Bah Rodney Syngkli uba ïakhun na Umsning Constituency bad u Bah Manin Raja uba ïakhun na Nongpoh Constituency bad u MLA jong ka Sohiong Constituency u Bah Synshar Lyngdoh Thabah u ban ïakhun na Nongspung-Sohiong Constituency bad kiwei kiwei de ki kyrtong jong ki seng saiñpyrthei.
