Shillong, Risaw, 14: Uwei u rangbah briew uba dang ïaid lynti ban leit phai sha la iing katba u dang phai na jaka trei u la lait thaw da ka said na ka tyrsim jong ki runar kiba don da ka jingmut sniew ban lute ïa u.
Kane ka la jia ha ka sngi Baar ha ka por kumba 8 baje mynmiet.
Katkum ka khubor ba la ïohlum la ïathuh ba ki don ar ngut ki runar kiba shong da ka thuk thuk kiba la thmu ban leh kam sniew ïa une u rangbah. Kane ka la jia hajan ka jingkieng Laban ban leit sha Last Stop bad sha Assembly.
Ha kane ka jingjia, kine ki briew ki la thmu ban bom ïa une u rangbah da u tyrnem hynrei shuwa ban jia eiei kaba sniew ka thuk thuk jong ki ka la khyllem jraiñ sha nala hynrei watla katta ruh ki dang kura bad shoh ïa u da ka jingthmu ban lute.
Une u rangbah uba la jan shah lute u dei uba la tip kyrteng kum u Rahul Amin Halder.
Ha kata ka por une u rangbah u la hylla briew bad da ka jingïamih jong ki paidbah ki la ïoh bat ïa kine ïa ki arngut ki nonglute bad aiti noh ïa ki sha ki Pulit ka Laban Police Station ban leh ïa kaba donkam katkum ki kyndon jong ka aiñ.
