Shillong, Nailur, 11: Ka Sorkar Jylla ka la mynjur ban thung ïa u Chief Secretary u Bah D.P Wahlang kum u Chairperson jong ka Meghalaya State Food Commission (MSFC) ynda u la shongthait.
Ryngkat bad u, la thung ruh ïa u ophisar ba la shongthait u Dr Meshwa Tyngkan kum ku dkhot jong ka MSFC.
Haba pynbna ïa kane hadien ba la wai ka jingïalang Kynhun Myntri ha ka sngi Palei, u Myntri Rangbah ka Jylla u Conrad K Sangma u la ong, “ka Committee (ba la thaw da ka Sorkar) ka la tyrwa ïa ka kyrteng jong u Bah DP Wahlang IAS ban thung kum u Chairperson ynda u la shongthait kum u Chairperson jong ka Commission bad ïa u Dr. Meshwa Tyngkan u ophisar ba la shongthait kum kum u dkhot jong ka Commission.”
“Kine ki ar tylli ki kyrteng ki dei kiba la tyrwa bad ka Kynhun Myntri ka la pdiang ïa baroh ar tylli ki jingtyrwa,” u la bynrap.
