Shillong,, Rymphang, 28: Ki Pulit ka Ribhoi District kiba la ïoh jingtip na ki tnat syntiat, ha ka jingbuddien ki la ïohbat ïa uwei ba la kynnoh ba u dei u snar khaii drok ha ka miet sngi Palei ha ka Mawtnum kaba don ha National Highway-6, Ri Bhoi District.
Ïa une u suba ba la ithuh kyrteng kum u Rajat Paul na ka jylla Assam la ïohbat katba u dang shong ha kawei kali Tourist ïa kaba la pynsangeh das ki Pulit ha shnong Mawtnum.
Haba kren sha ki lad pathai khubor, u Superintendent of Police ka Ribhoi u V.S. Rathore ula ong ba kane ka jingïohkem ka long hadien ba la pynlong ïa ka jingpynap ktem hadien ba la ïoh ïa ka jingtip kaba bniah na ki tnat syntiat.
Ha ka jingtalasi, ki Pult ki la ïoh kurup ïa u drok uba khia 36.3 gram uba shongdor T. 10 lak bad kawei ka mobile phone na ka met jong une u snar khaii.
Ki Pulit ki la register case ïa kane ka jingjia hapoh ki kyndon jong ka Narcotic Drugs and Psychotropic Substances (NDPS) Act, 1985.
