Shillong, Risaw, 03: Kawei ka longkmie ka la ujor sha ki Pulit ban pyntip ba ha ka 30 tarik, Nailur, ha ka por kumba 12.30 baje noh sngi ki runar ki bym lah satia ban ithuh durkhmat ki la knieh jubor ïa u kynjri ksiar uba shongdor T.1.3 lak uba ka deng ha ryndang. Kane ka la jia ha Jail Road Puja Mandap, Shillong.
U Rambabu Kumar u la ujor sha ki Pulit ban pyntip ba ha ka 30 tarik, Nailur, ha ka por kumba 7.30 baje mynmiet, ki runar ki bym lah ban ithuh durkhmat ki la prong jubor ha iingsah jong u ha Jail Road, Shillong bad ïoh rong tuh ïa ka pisa kaba kot T. 15,000 hajar bad kiwei kiwei ki tiar.
