Shillong, Jymmang, 14: U Jose Alberto Pepe Mujica Cordano ïa uba la ju tip kum u President baduk tam ha ka pyrthei, u la khlad noh ha ka 13 tarik, Jymmang 2025.
U Pepe u dei u President ba 40 jong ka ri Uruguay bad u la shakri kum u President naduh u snem 2010 haduh u snem 2015.
La kha ïa u ha ka 20 tarik, Jymmang 1935 bad u dei u riew ïakhun uba pyrshah bha ïa ka jingsynshar donbor bad ha ki snem 1970 u la shah set phatok haduh 14 snem kythih bad u la shah pynshitom beiñ ha ki nongsynshar donbor.
Hynrei kham hadien u la rung sha ka saiñhima sima, u la long kum u Myntri Sorkar ha u snem 2005 haduh 2008 bad ha u snem 2009 pat u la ïakhun ïa ka elekshon President bad u la jop. U la shimti ïa ka shuki President ha ka 1 tarik, Lber 2010.
La ju khot ïa u kum ju President uba duk tam ha ka pyrthei dei namarba 90 percent na ka tulop kaba u ïoh kum u President u ai sha ki seng trei mon sngewbha ban ïarap ïa ki baduk ba kyrduh bad u ai ruh sha ki khun samla ba kin sdang ïa ki kam lajong kiba rit.
Ka tulop jong u kum u President ka dei 12 hajar US Dollar shibnai lane 10 lak tam ha ka pipsa India hynrei 90 percent na kane u ai sha ki baduk.
Une u President u la khlad noh ha ka 13 tarik, Jymmang 2025 ha ka rta kaba 89 snem.
