Shillong, Jylliew 07: U Chief executive Officer (CEO) ka Shillong Municipal Board (SMB) ha sngi Thohdieng u la ujor da ka ejahar pyrshah ïa ki briew kiba donkti ban lum pisa beaiñ ha ka kyrteng jong ki nongdie madan.
Ha ka ujor ba la phah sha u Superintendent of Police ka East Khasi Hills u Rituraj Ravi, u CEO u la ong, “ngi la ïoh jingtip ba ki la don ki briew bym lah ban ithuh kiba la lum pisa da ka receipt kaba thok ha ka kyrteng jong ka SMB, na kiba shong dukan ha madan, ha kaba ka Town Vending Committee (TVC) lyngba kane ka ophis mynta ka la leh katkum ki kyndon jong ka Meghalaya Street Vending (Protection of Livelihood and Regulation of Street Vending), Scheme 2023.’
“Kum ka jingpyntip sha phi, kam shym la don kano kano ka Registration Fee kaba la shim da ka TVC. Na ka liang ka ophis ka la ïohpdiang ïa ka jingujor na ka Meghalaya & Greater Shillong Progressive Hawkers & Street Vendors Association (MGSPHSVA),” ong u CEO.
