Shillong, Jymmang 01: Ka khubor ba la ïoh na ki pulit la ïathuh ba u Medical Superintendent of Civil Hospital, Khliehriat (EJH) la phah ka jingujor ba ha ka step jong ka 23 tarik u Ïaïong, ki runar bym lah ban ithuh ki la tuh uwei u oxygen pipe line, u copper wire fan bad ki socket kiba shongdor kumba T. 1.2 lak napoh ka hospital.
Ha kawei pat ka jingjia kawei ka longkmie kaba na ka shnong West Jaiñtia Hills ka la phah ka jingujor ba ha ka 22 u bnai Ïaïong ha ka por 2 baje nohphai sngi, uwei u nongshong shnong ka shnong Saphai (WJH), u la byrngem ïa ka bad ïa ka ïing ka sem jong ka.
Shuh shuh ha kawei pat ka jingjia ki pulit ki la ïathuh ba u Riadur Rahaman uba na Kandergaon (WGH) u la phah ka jingujor ba ha ka 14 tarik u bnai Ïaïong ha ka por kumba 2 baje nohphai sngi, u la shem ba ka thuk thuk jong u ka la jah napoh ka shnong jong u.
Ha kawei pat ka liang ki pulit ki la ïathuh ba u Kandorpo Hajong u la phah ka jingujor ba ha ka 26 tarik u bnai Ïaïong, ki runar bym lah ban ithuh ki la tuh kawei ka Air condition ba la rim napoh BSNL tower ba don ha Ghoramara (WGH).
Shuh shuh sa kawei pat ka jingjia ki pulit ki la ïathuh ba u Pupartbrook G Momin u la phah ka jingujor ba ha ka 25 tarik u bnai Ïaïong, ki runar bym lah ban ithuh ki la tuh ïa ka scooter jong u kaba don u nombar ML-13A-7093 napoh ka jaka sah jong u kaba ha North Garo Hills.
